Totoo nga bang hindi nagpasahod si Gobernador Vilma Santos sa mga Doktor at Nurses? Totoo nga ba ang Gobernador ng Batangas ay nasa munisipyo lang ng Batangas tuwing Lunes ng umaga para dumalo lamang sa Flag Ceremony?
Ayon sa ulat ng Abante Tonite napaka dami daw nilang natatanggap na text at e-mails na nagsasabing tuwing lunes lamang nakikita itong ating Gobernador sa munisipyo na ginawa at pinaganda noon ng ating dating gobernador ng batangas na si Armando Sanchez na si Gobernador Vilma Santos naman ang nakinabang. Totoo nga ba na hindi malapitan si Gobernador Vilma Santos sa panahon ng kailangan ito ng taong bayan ng Batangas dahil wala ito mula martes hanggang matapos na ang buong linggo at magpapakitang muli sa munisipyo kapag dumating ang panibagong lunes? Bali balitang nag shooting daw ito para sa mga pelikula at komersyal ng kanilang pamilya para sa dadating na halalan. Aha! Mukha yatang nagkamali ako sa aking binoto bilang tatayong Gobernador ng aking bayan sa Batangas. Inakala ko kasing matutugunan niya ang pagiging Gobernador dahil naging darna siya sa pelikula, inakala ko kasing matutulungan niya ang bayan ng Batangas sa kahirapan lalo na pagdating sa Edukasyon ng mayroong mababang uri ng pamilya dito sa Batangas gaya ko.
Totoo nga ba ang bintang kay Gobernadro Vilma Santos na hindi nagpasahod sa mga Probinsyal Health Workers? Bilang isang Batanguena eh masasabi kong totoo nga na ang lugar namin ay nakararanas ng kakapusan sa gamot pati yung mga makina para sa pag di-dialysis at madami pang iba na tinugunan ng pansin ng dating gobernador na si Armando Sanchez ay pinabayaan lamang na masira. Hindi talaga siya nagkakaroon ng panahon na tugunan ang mga ospital dito sa Batangas dahil lagi siyang may preskon para sa kanyang mga pelikula at kung minsan naman ay nasa ibang bansa para I promote ang kanyang pelikula para sa mga kapwa nating Pilipino. Lalo na nung mga nakalipas na buwan! Nag shu-shooting pa ito para sa komesyal nila ng kanyang asawa na si Ralph Recto! Kaya panigurado yung mga ibang kababayan naming na lumalapit sa kanya noong mga nakaraang buwan eh wala naman siya! Madami din namang makapag papatunay na mga workers sa mga Ospital ng Batangas na hindi tinutugunan ng pansin ng Gobernador ang mga daing at pangangailangan ng mga ospital lalo na sa gamot. Malamang nagpupunta lamang siya sa mga Ospital para I promote bilang kandidato ang kanyang asawa sa pagtakbo at pagbalik bilang senador, ngayong dadating na halalan.
Tsk..tsk..tsk…
Aba! Eh kapag nakadating ito sa kanila malamang eh magmamadali silang kumilos para maging malinis at manalo sa dadating na halalan. Ako bilang isa sa mga kabataan na gusto ng pagbabago eh titignan ko nalang ang mga kabutihang nagawa ng isang tatakbo at uupo bilang Gobernador ng Batangas, kasi hindi naman lahat ng tumatakbo eh perpekto ang importante matugunan ang pangagailangan ng bayan. Kaya ipa-patrol ko dito sa aking blog ang mga aking nalalaman para sa aking lugar ng Batangas lalo na para sa kinabukasan naming mga kabataan.
